شقيق شيرين عبد الوهاب: “اشمئزت منكم انتو أقذر قصة عرفتها البشرية” 

علق محمد عبد الوهاب، شقيق الفنانة شيرين عبد الوهاب، على التصريحات التي أدلت بها مؤخرًا، وكشفت فيها تفاصيل اتهامها لطليقها حسام حبيب بسرقتها.

وكتب محمد عبد الوهاب عبر حسابه في موقع التواصل الاجتماعي فيسبوك: “يا شيخة والله ربنا ياخدنا بقي عشان نرتاح من القرف ده كفايه بقي اقسم بالله قرفنا و الناس قرفت واشمئزت منكم.. انتو اقذر قصة عرفتها البشرية والله.. حسبي الله ونعم الوكيل فيكم انتو الاتنين”.

شيرين عبد الوهاب تتهم حسام حبيب بسرقتها

وكانت شيرين قالت في تصريحاتها الصحفية الأخيرة: “حسام واخد مني عربية رانج روفر موديل 2008، وساعتين رولكس Rolex، وبقاله حوالي 4 سنين هو المسؤول عن الأمور المادية في شغلي، ومفيش يوم حاسبني فيه، أنا معرفش الراجل ده سرقني في قد إيه”.

وتابعت شيرين عبد الوهاب: “كنت ساكنة في شقة فيها خزنتي، كسروا الخزنة وطلعوا منها التنازلات، بفتح حاجتي لقيت أغلبها مش موجودة، وحسام بيكلمني بشتيمة وقلة أدب، وقال لي إنتِ بتشككي فينا، رغم إني متهمتوش بأي حاجة، وقلت له دا إهمال مني وأنا لازم أدفع التمن”.

أبرز تصريحات شيرين عبد الوهاب 

وتداولت صورة لمستند تحويل مالي يصل إلى 200 ألف جنيه، أي ما يعادل 9 مليون و840 ألف جنيه مصري، بسبب إدارته لأعمالها في السنوات الأخيرة، وعلقت شيرين على ذلك قائلة: “حولت لـ حسام حبيب 200 ألف دولار، لأنه بيقول إنه ساعدني في شغلي، وهو اللي كان بيعمله كله كان بيطلعني السلم بتاع المسرح”.

وقالت شيرين عبد الوهاب: “تنازلت عن المحضر ضد حسام حبيب، وحولت له المبلغ المالي ليبتعد عن حياتي، لكن حسام حبيب بيهددني وبيتبلى عليا، أنا مش صغيرة وست عندي بنتين في أخطر مرحلة في حياتهم، بناشد المسئولين، الراجل ده ضيعني وبيهددني ببناتي وبيقول لي كلام يدخله السجن”.