صبحي كابر يكشف عن الأسباب القهرية التي أجبرته على بيع المطعم

أثار مطعم صبحي كابر أمس الجدل على مواقع التواصل الإجتماعي، وذلك بعد إعلانه أنه سيتم غلق المطعم لظروف قهريه وسيوفيهم بباقي التفاصيل.

صبحي كابر يكشف عن الأسباب القهرية التي أجبرته على بيع المطعم 

فتعاطف الكثير من المتابعين وازدادت التساؤولات حول السبب، ولكن لم يرد أحد بمعلومة مفيده، فأوضح المطعم أنه سيتم الإعلان عن باقي التفاصيل قريبًا.

ظهر اليوم صبحي كابر في فيديو ليجيب عن تلك التساؤولات حيث قال: “اللي حصل إن أنا بادئ من تحت الصفر، أحسن من 30 سنة في محل صغير ببترينه، كبرت المنظومة وخدت قطعة مول عملت فيه صبحي كابر اللي هو في الساحل زي أي حد عنده طموح، وأنا بحرق ذرة عندي في المزرعة بكميات رهيبة”.

تابع كابر: “فخدت ذرة من واحد كان وقتها عامل من 2000 إلى 3000 جنيه، قامت حرب أوكرانيا قاللي الدنيا هتغلى، فقاللي نجيب مركب ذرةة، قعدت أجمع كل فلوسي ودهب عيالي ودهب مراتي، ودخلت في القصة ودخلت حد معايا ب 75 مليون، وأديت الراجل المحترم دا 200 مليون شقايا، راح يجيب الدرة مجاش خلع”.

أردف صبحي: “بعدها بشهر المحل راح مولع، صرفت كل اللي معايا برضو من هنا بدأت المشكلة بقا إن أنا أبيع المحل، أتدينت أكتر، الناس كانت محتاجة فلوسها فبيعت المحل وبقيت أوردلهم لحمة وأطلع على النت أبيع وأقول اللحمة أي، اشتغلت في الآخر كومبرس، اتذليت للناس دي شوية، فزهقت بقا، بايع حيطان المحل لكن البراند بتاعي، والصفحة مااتهكرتش”.

أكمل صبحي كابر: “إن شاء الله هفتح تاني مش هسكت لأن البراند دا بتاعي أنا بس، أنا مبيعتش العلامة التجارية، العلامة من حقي وأرقام التليفونات من حقي والصفحة بتاعتي”.

صبحي كابر: حطوني قدام الأمر الواقع

أضاف صبحي: “أنا كنت بوردلهم كل حاجة ودلوقتي لأ قطعوني خالص، حطوني قدام الأمر الواقع ودا اللي خلاني عملت كدا معاهم، ودا تعمد أنا لحمتي نمره واحد، معلف ودكاترة وشغل عالي، همه علشان يسترخصوا في الخامات بيحبوا يوفروا”.

تابع كابر: “الناس عارفه إن أنا بيعت المحل لأن الأكل اتغير السيسيتم والخامات والجودة أنا شغلي غير الشغل دا، المحل من سنة مش بتاعي”.

صبحي كابر يكشف سبب تسمته للمطعم بهذا الإسم

اختتم صبحي كابر حديثه قائلًا: “اتعلمت إن أنا مااثقش في الناس، أنا أمي دعيالي وهرجع تاني، وكابر دا اسم بنتي بعد ما فضلت 13 سنة من غير خلفة، جيت ربنا كرمني بكابر و محمد ومصطفى وآدم، كنت شغال مع أميرة في السعودية اسمها كابر ولحد دلوقتي مسابونيش وخدوني معاهم لندن، وإن شاء الله أفتح هناك، ومفيش حاجة بعيدة عن ربنا”.