أكد محمد صلاح، قائد منتخب مصر، أن لاعبي الفراعنة سيقاتلون حتى اللحظة الأخيرة من أجل التتويج بلقب كأس الأمم الإفريقية، مشددًا على أن رغبته في حصد البطولة تفوق أي شيء، رغم كل الضغوط المحيطة.
وقال صلاح بعد المباراة : احنا كل المنتخبات اللي بنلاعبها كلها محترفين ، كوت ديفوار وسنغال والمغرب، احنا لعيبتنا كويسة جدًا لكن معظمنا بيلعب في الدوري المصري.
وتابع ضاحكا: حتى التلاتة المحترفين بتوعنا من ساعة ما كابتن حسام قال اتنين محترفين وربع بقينا تلت أربع، محدش فينا بيلعب، بس احنا هندي لبلدنا دي كل حاجة ممكنة وهنحارب عشان نكسب البطولة.
وأوضح نجم ليفربول: مفيش حد في البلد عايز يكسب اللقب دا اكتر مني ، انا كسبت كل حاجة في الكورة ما عدا اللقب دا ، والضغط دا انا شايله بقالي كتير فا مجتش من كام اسبوع ، عشان الضغط على اللاعيبة مش هيفيد بـ حاجة.
واختتم صلاح : بشكر التنظيم في المغرب ، الناس هنا على أعلى مستوى في النظام والامن بشكرهم من هنا ودايمًا موفقين.
جوجل نيوز
تطبيق نبض
واتس اب
