عصام السقا يتحدث عن سبب نجاح "فهد البطل"

أعرب الفنان عصام السقا، عن سعادته الكبيرة بالنجاح الذي حققه مسلسل “فهد البطل”، مشيرًا إلى أن ردود الفعل الجماهيرية كانت مذهلة.

وقال عصام خلال حديثه في برنامج “الراديو بيضحك” المذاع على راديو 90.90: “اللقطات اللي كنا بنشيرها بتاعة القهاوي في الشارع تخض، فهد البطل من يوم 12 رمضان وهو رقم واحد”.

وأضاف “السقا”: “الفكرة هي فكرة الشارع وكمية الفيديوهات اللي جاتلنا، واللي كنا بنشيرها عن القهاوي في الشارع كانت مدهشة المشاهد فعلاً تخض”.

وأكد عصام السقا: “كمية الالتفاف حواليه المسلسل، والناس في الشارع طول الوقت فيه نقاش عن فهد البطل، هو ده النجاح الحقيقي، النجاح الملموس، أنا بحب دايمًا النجاح الملموس”.

وتابع عصام: “والنجاح الحقيقي إنك تنزل الشارع وتشوف الناس بتعمل إيه، وتشوف الناس في القهاوي كلها قاعدة بتتفرج على المسلسل بتاعك”.