عمرو سعد يرد على انتقادات "سيد الناس".. تعرف

خرج الفنان عمرو سعد عن صمته، لرد غلى الجدل الذي أثير مؤخرًا حول مسلسل “سيد الناس”، مؤكدًا أن الانتقادات التي طالت طريقة إلقائه أو نبرة صوته كانت في البداية مزعجة.

وقال عمرو خلال حديثه في برنامج “يحدث في مصر” المذاع على قناة mbc مصر: “في البداية اتضايقنا شوية من ردود فعل الناس اللي بتقول إننا بنزعق وكده”.

وتابع “سعد”: “لكن بعدين فهمنا إن الموضوع مش كله حقيقي، وده بيرجعنا لعالم السوشيال ميديا، لأن فيه إنفلونسرز بيتكلموا بحرية”.

وأضاف عمرو: “الشركات النهاردة بقت مضطرة يكون عندها سوشيال ميديا للترويج، لكن الموضوع تخطى حدود الترويج، وبقى فيه معارك وضرب في شغل تاني”.

وأكد عمرو سعد: “كنت فاكر إن ده خيال علمي، لكن شوفته بيحصل قدامي بوضوح، وأنا مش بقول أي كلام يعني كمان، إحنا شغالين مع مهندس صوت محترف، وفي حاجات مينفعش نخرج عنها”.

واردف عمرو: “ولو فيه حاجة غلط بيقولنا استوب فورًا، الناس مش واخدة بالها إن دي صناعة كاملة فيها أدواتها، ومفيش حاجة بتحصل بالصدفة أو بشكل خاطئ”.