“عندي حالة صدمة”.. آيتن عامر تعلق على واقعة طالبة التجمع

علقت الفنانة آيتن عامر، على المشاجرة التي وقعت بين عدد من الفتيات في مدرسة بالتجمع الخامس، ونتج عنها إصابة طالبة بجروح بالغة في الرأس والوجه.

وعبرت آيتن عن استيائها مما حدث في واقعة مدرسة التجمع، عبر مقطع فيديو نشرته على حسابها الرسمي على “فيسبوك”.

وقالت “عامر”: “اتضايقت من فيديو خناقة البنات في مدرسة بيقولوا إنها من المدارس المهمة، بسبب أن زمايل البنت واقفين في المدرسة فتحين تليفوناتهم وبيصوروا والبنت واقعة على الأرض، ومناخيرها مكسورة وبتنزف”.

وأضافت آيتن عامر: “أنا عندي حالة صدمة، فجأة تخيلت حد من ولادي في موقف زي ده، أقول لولادي لو شوفتوا موقف زي ده قدامكم تتدخلوا ولا لأ، هو إيه اللي بيحصل، أنا مش قادرة أفهم إيه اللي بيحصل، إحنا ليه وصلنا للدرجة دي”.