فريدة سيف النصر ترد على مخرج "العتاولة"

حرصت الفنانة فريدة سيف النصر، الرد على تصريحات المخرج أحمد خالد موسى، عقب أن أشار في إحدى لقاءاته الإعلامية إلى أن التعاون معها سام.

وكتبت فريدة في منشورها: “ده اتبعت لي من صحافيين قالولي ردي عيب، ووالله العظيم قسم يتهز له سبع سموات، برغم كل ما قالوه زمايلي من شكر ليا من السقا لطارق في حبر سري، لمي كساب لبني ونس وكل الشباب بلا استثناء كلام كله حب وتقدير”.

واكملت “سيف”: “أنا كنت بحبك زي فيفي مابتقول الله يكرمها، بوقفتها وكلامها عنك حقيقي ماحدش يكرهك كتر خيركم، وليه الحياه بسيطه وبتخلص بالراحه اللي عايز حاجه ياخدها كله بيخلص، طيب يااستاذ تعالي نتفق علي حاجه المسلسل نسيته،”. 

واردفت فريدة: “بص انسي يااستاذ وجودي اصلا معاكم، وانت فعلا ناسيني كا شريك اول معاكم بكل حبي ماعلينا، انساني وحياة حبيبك النبي، مش كل شويه مواضيع، حتى نجمتك الكبيرة فيفي عبده مع انجي علي برضه وعملت لي مينشن”.

وقالت: “وياجماعه كل الكلام علي جنب وكلام المخرج القائد المحترم كوم هو الصادق، أنا توكسيك أنا مشاكل مع ١٠٠ شخص أنا حد مش كويس، تخطاني يااستاذ انساني انت صح في كل كلمه الله يكرمك، ولا تحب نقرأ فاتحه تاني أن ماحدش يجيب سيرة حد باتهامات، الله اعلم بيها ورسوله والمؤمنون”.

وأكد فريدة: “ربنا يكفيك شر الناس السامه اللي زيي بعد اربعين سنه اعمال ناجحه وماحدش جاله تسمم، كتر خيرك وحياة ولادك انساااااني ونعتبر ده قفل للموضوع، وانت الصح ياجماعه أنا باقول لكم هو الصح وكلامه صح، خلصنا بقي وبالانجليش. Let it go…move on..شكرا”.