تحدث مدير أعمال مطرب المهرجانات حمو بيكا، عن كواليس التحقيق معه، في مقر نقابة المهن الموسيقية، بعد قرار إيقافه عن الغناء وتحويله للتحقيق، لاتهامه بالإساءة لمؤسسات الدولة.
وفقًا للتقارير الصحفية، قال مدير أعماله أنه تم التحقيق مع حمو بيكا في مقر النقابة، وطالب النقيب والأعضاء برفع الإيقاف عنه، واعتذر عن كلمات الأغنية خاصة أنه ليس له علاقة بها، ولكنها لمطرب آخر.
رد حمو بيكا على إيقافه عن العمل
خرج حمو بيكا في لايف عبر صفحته الرسمية بموقع فيس بوك، وكشف عن انزعاجه الشديد من اتهامه بالإساءة لمؤسسات الدولة، مستنكرًا هذه الاتهامات الموجه إليه والتي تسببت في إيقافه عن الغناء واستدعائه للتحقيق.
وقال “بيكا” في الفيديو: “مستجيل أهين مؤسسات الدولة، والأغنية لمطرب قديم معرفش اسمه، وكل المطربين بيقولوها، ولو أعرف أنها هتجيب لي أذى ولو صفر في المية عمري ما أقولها”.
وأكد حمو: “أنا مصري وهويتي مصرية، وعمري ما أغلط في بلدي، ليه عملتوا مني حاجة كبيرة أنا مش فاهمها، ده لساني يتقطع يوم اشتم مؤسسات الدولة”.
وأضاف حمو بيكا: “الأغنية متداولة على يوتيوب وتيك توك، ولو فيها ضرر كانوا شالوها، ليه لما غنيتها الدنيا اتقلبت عليا، أنا في أي دولة خارج مصر برفع علم بلدي على أكتافي وبكون فخور إني مصري، ولو أعرف والله العظيم وغلاوة بنتي عمري ما كنت أغنيها”.
وتابع حمو: “عملتم حكاية كبيرة أنا مش قدها، أنا مش بعرف أقرأ وأكتب، لكن بسمع حاجات مش فاهمها، ليه بتكبروا معايا المواضيع أنا بذات”.
واردف حمو بيكا: “أنا مش حمل أي حاجة تاني، عليا الطلاق وغلاوة بنتي ولو أي حاجة هتبعدني عن بيتي وبنتي، مش عاوزها نهائي خالص، وياريت اللي بيكتب بلاش توصل الكتابة في حتة تانية”.
جوجل نيوز
تطبيق نبض
واتس اب
