ماجد المصري يكشف سبب نجاح شخصيته في "إش إش" 

حل الفنان ماجد المصري، ضيف على برنامج “الحكاية” الذي يقدمه الإعلامي عمرو أديب، إذ تحدث عن نجاح دوره في مسلسل “إش إش”، وعن قرار اعتزال المخرج محمد سامي.

وقال ماجد: “أنا دار بيني وبين محمد سامي حديث، ويعني بنتكلم في حاجة حلوة، هو طبعًا خد قرار وهو واخد القرار دا من فترة على فكرة، أنا وسامي نعرف بعض من فوق 25 سنة، واعتقد أن هو جاب سقف الدراما”.

وتابع “المصري”: “بس كلنا أخدنا قرارات وبنرجع فيها، وممكن يكون القرار وهو مضغوط نفسيًا، لأن هو الفترة اللي فاتت وآخر مرة هيعمل كده أنه يعمل مسلسلين في نفس الموسم، وده شيء قاسي ومتعب جدًا”.

وكشف ماجد المصري، عن رأيه في سبب حب الجمهور لشخصية “رجب الجريتلي”، التي قدمها في مسلسل “إش إش” في رمضان 2025.

وقال ماجد: “الجمهور محبش في رجب الجريتلي، إنه تاجر مخدرات، حبوا فيه الشيء اللي مفتقدينه اللي الست محتاجاه، الست وهي بنوتة صغيرة في بيت أبوها واخدة على الدلع أكتر من الولد، فلما تروح بيت جوزها لازم يدلعها”.

أوضح ماجد المصري أنه يشترك مع الشخصية في بعض الصفات، قائلًا: “أنا رجب الجريتلي في حياتي، والمخرج محمد سامي رجب الجريتلي في حياته”.

واردف ماجد: “مثلًا مع مراتي رانيا الراجل لازم يدلعها ويبقى كريم معاها، ويجيب دهب ويكتر من الدهب، زي ما قال راجب الجريتلي في المسلسل”.