“ما تلبس واخداهم من دولاب أمك”.. بدرية طلبة تُساند مي فاروق

أعربت الفنانة بدرية طلبة، عن استيائها الشديد من منتقدي زواج المطربة مي فاروق من الممثل محمد العمروسي في سن متأخر، مشيرة إلى أن كل شخص حر في ذاته.

وكتبت بدرية عبر حسابها الشخصي بموقع التواصل الاجتماعي “فيسبوك”: هي مي فاروق غلطت في أيه؟، عندها 41 سنة وتقولولها احترمي سنك؟، دا فيه بنات في سنها ولسه متجوزوش أصلًا، وبعدين لو علي احترمي سنك يبقي تحترمي انتي سنك يا اللي كتبتي التعليق دا!!”

بدرية طلبة ترد على منتقدي مي فاروق  

وأضافت “طلبة”: “عملت فرح؟ ماتعمل يمكن مفرحتش قبل كدا، وربنا بيعوضها بتستكترو الفرح عليها ليه؟، عيالها كبار؟ كويس يعني فاهمين وواعين وراضيين والا انتو شوفتوهم لابسين مقطع وبيعيطو على جنب؟؟، دول كانو فرحانين وبيشاركوها فرحتها”.

واكملت بدرية: “انتي ياللي كتبتي التعليق دا، الحنية بتخر منك واحن على العيال من أمهم؟؟، مش عاجبك أنها لابسه فستان وطرحة؟ ما تلبس اللي نفسها فيه وهي واخداهم من دولاب أمك؟”.

واختتمت بدرية طلبة: “أتقوا الله في نفسكم لافرح عاتقنا ولا في حزن راحمنا، ناس مريضة وفاضية متعرفوش ربنا، ياتحسدو وتحقدو ياتطلعو الغل اللي جواكم في التعليقات ربنا ينتقم منكم”.