تحدث الفنان محمد العمروسي، عن زوجته المطربة مي فاروق، وكيف التقيا صدفة لتكون بداية قصة حبهما، ذلك خلال لقائه في برنامج “بالمايك والقلم”، مع عبد العزيز أحمد.
وقال محمد العمروسي: “مي فاروق الرزق اللي ربنا بعتهولي أنا اتعرفت عليها بالصدفة شعور لما تبقى ماشي في ضلمة وفجأة تلاقي النور”.
واكمل: “هي وشها حلو عليا جدًا، وجات نورت حياتي، الحياة استقرار، استقرار روحك وأنا روحي استقرت معاها ودي كانت أهم حاجة بالنسبة ليا”.
وأضاف “العمروسي”: “اتقابلنا في فرح المخرجة بتول عرفة وهاني الطمباري، أنا كنت متضايق ومش عايز أروح الفرح وهي كذلك، صديق ليا ألح عليا، وروحت الفرح وهي كمان واتقابلنا ولما حكينا لبعض المواقف عرفت أن ربنا بيقربنا من بعض وعايزنا نتقابل”.
وأكمل محمد العمروسي: “هي بالنسبة ليا ست البنات مش بشوف حد غيرها، وهي حاجة كبيرة أوي بحترمها وهي بتحترمني وبتمنى ليها كل التوفيق والسعادة”.
جوجل نيوز
تطبيق نبض
واتس اب
