محمد رمضان يستعيد ذكرياته بعد حفله في أمريكا 

حرص الفنان محمد رمضان، على استعادة ذكرياته مع أصدقائه، وذلك قبل الشهرة ومقارنتها بالوقت الحالي، وذلك بعد حفله في أمريكا.

ونشر “رمضان” صورة له من أمام مطار لوس أنجلوس، عبر حسابه الرسمي بموقع تبادل الصور والفيديوهات “إنستجرام”، وعلق عليها: “دي فكرتني زمان وانا واقف قدام محطة المترو، مستني صحابي عشان هنروح السينما، وبعدها ناكل كشري ونموت من الضحك”.

وتابع محمد رمضان: “ماكنش عندي اي مسئوليات ساعتها غير الدراسة، والصورة دي النهاردة قدام مطار الطيران الخاص في لوس انجلوس أمريكا، وانا رايح اغني في كوتشيلا وبتعامل VIP“.

وأضاف محمد: “وباكل سوشي في الجو الحمد لله، بس مابقاش في صاحب زي زمان ولا ضحك زمان، والله ماهزار لو خيروني بين ايام زمان ودلوقتي، من غير حتى مافكر هختار دلوقتي”.

محمد رمضان في أمريكا 

وشهد محمد رمضان في الساعات الماضية مجموعة انتقادات، بسبب إطلالته في حفله الغنائي بأمريكا، ضمن مهرجان كوتشيلا العالمي.

وارتدى إطلالة فرعونية ليثبت في العالم أهمية مصر والمصريين، كما رفع خلال الحفل علم مصر، ولكن تداول الجمهور ملابسه بسخرية وشبهه ببدلة الرقص.