كشف المخرج محمد سامي، حقيقة الأخبار التي انتشرت في الفترة الأخيرة عن خلافاته مع الفنان محمد رمضان، وإلغاء الجزء الثاني من مسلسل “جعفر العمدة”، بعدما حقق الجزء الأول نجاحًا كبيرًا في رمضان 2023.
وقال سامي: “معنديش خلافات أنا ومحمد رمضان كل اللي بيتقال ده كذب طبعًا، أنا ومحمد رمضان إزاي هيبقى عندنا خلاف؟، ده إحنا نجاحنا مع بعض الحمد لله رب العالمين من أكتر نجاحاته ونجاحاتي، بالعكس علاقتي أنا ومحمد رمضان كويسة جدًا”.
أما عن جدل إلغاء الجزء الثاني من مسلسل جعفر العمدة، فعلق “سامي”: “جعفر العمدة 2 علشان يتعمل مشروع لازم يُدرس كويس جدًا، مينفعش نغامر بنجاح جعفر العمدة1، وأدخل أعمل جعفر العمدة 2 بلا دراسة”.
أضاف محمد سامي: “جعفر العمدة من أهم المسلسلات اللي اتعملت وده مش برأيي أنا ولكن كلكم عارفين إنه من أهم المسلسلات في الفترة الأخيرة، ونجح نجاح كبير في الوطن العربي كله، المسلسل ده لازم يتعمل بحساسية رهيبة”.
جوجل نيوز
تطبيق نبض
واتس اب
