تحدث المخرج هاني حمدي في تصريحات خاصة لـ موقع الجورنال، عن تفاصيل إخراجه فيلم “ساندوتش عيال“، من بطولة الفنان سامح حسين، والذي عرض خلال الأيام الماضية.
وقال هاني حمدي: “مفيش سبب جذري يعني هي كلها أفكار بنشوف الأفضل وبنختاره، والفيلم أصلًا كان أسمه ساندوتش عيال على نسخة السيناريو الأولى، بعد كده اقترحنا نسميه اللعب مع العيال، وبعدين قولنا نرجع للأسم الأصلي بتاع الفيلم”.
وعند سؤال مخرج فيلم عن هناك صعوبات واجهتك أثناء التعاون مع الأطفال، قال: “الحمدلله مقبلتش أي صعوبات بالعكس خالص كانو شطار جدًا كلهم”.
وأكد مخرج فيلم ساندوتش عيال: “فكرة الفيلم بإختصار أن سامح ونور قدري زوج وزوجة، بيحصل بنهم مشاكل عادية زي اللي بتحصل بين الزوجين، وبعدين بيفكروا في الانفصال”.
وتابع هاني حمدي: “وسامح بيكتشف بعد كده أن الانفصال ده، ممكن يأدى لبعد كده لضياع ابنهم، وبيتولى القضية بتاعت الأطفال اللي بيقع عليهم ضرر المشاكل بتاعت أبوهم وأمهم، وبيجمع توكيلات من الأطفال عشان يرفهم على أهاليهم قضية”.
وقال “حمدي”: “سامح حسين هو بالنسبالي صديقي، قبل ما يكون نجم الفيلم، والكواليس كانت لطيفة جدًا، وسامح كان متفاهم أوي كنا بنأخد أراء بعض، وهو كان حابب الدور جدًا وعمل أداء مميز يعني، وهو من الشخصيات اللي بتحب الطاقة الإيجابية”.
وتابع هاني: “سامح على طول مبتسم وعنده بهجة في الكواليس، ومكنش عندنا صعوبات في الكواليس خالص، الموضوع كان لطيف أوي”.
جوجل نيوز
تطبيق نبض
واتس اب
