مدين يكشف تطورات حالة شيرين عبد الوهاب: “كويسة وبتحضّر لأعمال جديدة”

كشف الموزع الموسيقي مدين عن تفاصيل جديدة تتعلق بالحالة الصحية والنفسية للفنانة شيرين عبد الوهاب، مؤكدًا أنها بصحة جيدة وتستعد لطرح أعمال فنية جديدة خلال الفترة المقبلة.

مدين يكشف تطورات حالة شيرين عبد الوهاب: “كويسة وبتحضّر لأعمال جديدة”

وفي لقاء خاص مع برنامج ET بالعربي، قال مدين: “شيرين عبد الوهاب كويسة، وموجودة في مصر. كانت بتمر بفترة اكتئاب بسيطة لكنها دايمًا بترجع أقوى من الأول، هي دلوقتي بتشتغل على حاجات جديدة، ومش عايز أتكلم عنها لحد ما هي نفسها تطلع وتعلنها”.

وأضاف الموزع أنه كان من المقرر أن يلتقي بها في عيد ميلادها، إلا أن بعض الارتباك في المواعيد حال دون ذلك، موضحًا: “كنا هنتقابل في عيد ميلادها، وكانت فرحانة جدًا إننا هنروح، لكن حصل لغبطة واتأخرنا وماقدرناش نروح”.

كما وجّه مدين رسالة إلى جمهور شيرين، دعاهم فيها لدعمها والتركيز على فنها بدلًا من حياتها الشخصية، قائلًا: “عايزين نشجعها في شغلها، لأن لما الناس تركز في حياتها الشخصية ده بيأثر عليها نفسيًا، وبيخليها تكتئب. هي بتحضر حاجات حلوة تسعد جمهورها، ولسه فيه أغاني من الألبوم الأخير هتنزل قريب”.