أشاد عمر مرموش، نجم منتخب مصر ولاعب مانشستر سيتي، بمواطنه محمد صلاح، جناح ليفربول، بعد اقتراب الأخير من حسم لقب الدوري الإنجليزي الممتاز.
ليفربول بقى محتاج بس 11 نقطة علشان يتوج رسميًا باللقب، خاصة بعد تعادل آرسنال النهارده مع إيفرتون، واللي خلّى الطريق أسهل للريدز.
مرموش، اللي انضم لصفوف مانشستر سيتي في يناير اللي فات، بيحاول مع فريقه يضمن مركز مؤهل لدوري أبطال أوروبا، في محاولة لإنقاذ موسم السيتي اللي كان صعب.
وفي تصريحاته لشبكة “سكاي سبورتس” البريطانية، قال مرموش:”أكيد حاجة جميلة إن يكون في لاعبين من مصر بيلعبوا في الدوري الإنجليزي الممتاز”.
وأضاف:”اللي بيعمله محمد صلاح مش طبيعي، بس الصراحة مش مفاجأة بالنسبة لي، لأنه إنسان محترف لأقصى درجة، مركز جدًا، وبيشتغل على نفسه كل يوم. الناس كلها نفسها تعمل زيه”.
واستكمل:”صلاح أسطورة ومثل أعلى بالنسبالي. الناس بتحلم تبقى زيه، وأنا دلوقتي بحاول أكتب تاريخي الخاص هنا في البريميرليج”.
الجدير بالذكر إن مرموش واجه صلاح مؤخرًا في مباراة مانشستر سيتي ضد ليفربول، واللي انتهت بفوز ليفربول 2-0، وسجل خلالها صلاح هدف وصنع التاني، وكان نجم اللقاء قدام زميله في المنتخب.
جوجل نيوز
تطبيق نبض
واتس اب
