مروة صبري عن ملابس أسماء جلال: “حسابها مع ربنا”

دافعت المذيعة مروة صبري، عن الفنانة أسماء جلال، بعد أن تعرضت لموجة كبيرة من الانتقادات، بسبب ملابسها الجريئة، وذلك من خلال برنامجها “قعدة ستات”.

وقالت مروة صبري: “اتحجبت وقلعت هي حرة حسابها مع ربنا، لابسة فستان مفتوح شوية من وجهة نظركم، ايه المشكلة أي فنانة في الدنيا ممكن تلبس فستان مفتوح على الريد كاربت“.

واكملت مروة: “نفسي حد يقولي الحملة الرهيبة اللي معمولة على أسماء جلال دي ليه، وعشان ايه وهتستفيدوا بيها ايه، الست طالعة وبقيت على أول سلم النجومية سيبوها”.

وأكدت “صبري”: “ليه دايمًا أي حد أما بيجي يطلع ناجح في مجتمعنا نبدأ نهاجمه ليه ؟!، ما نسيب كل واحد في حاله، إلا لو طلعت قالت حاجة انتو معترضين عليها”.

مروة صبري تهاجم النجوم في مهرجان الجونة 2024

هاجمت مروة صبري الفنانين في مهرجان الجونة، بسبب احتفالهم بفعاليات المهرجان في ظل وفاة حسن يوسف ومصطفى فهمي، وذلك من خلال منشور عبر حسابها الشخصي على موقع التواصل الاجتماعي.

وكتبت “صبري” في منشورها على حسابها بموقع “الفيسبوك”:؛ “والله و بكل صراحة بدل ما نفضل ننعي فناننا العظماء اللى بيروحوا فجأة، واحنا في مهرجان الجونة، ونوجهلهم رسالة وبعد ساعة نطلع ونعرض فساتين وشعر وميك اب”.

وتابعت مروة: “ياريت ترجعوا وتقدموا واجب العزاء من هنا، عشان شكلكوا بقى وحش، وطز في الفساتين والاطلالات دلوقتب، وتتعوض في أي وقت تاني”.

وأكدت “صبري”: “لأننا فقدنا اتنين من أهم وأكبر القامات الفنية في مصر والوطن العربي، الأستاذ حسن يوسف والأستاذ مصطفى فهمي، وربنا يرحمهم يارب ويغفرلهم ويسكنهم فسيح جناته، بجد مهرجان الجونه مش وقتك ومسخت أوي”.