مسلم عن عصام صاصا.. مراتك ماحترمتكش

كشف مغني المهرجانات مسلم، عن تفاصيل خلافه مع المطرب عصام صاصا وزوجته البلوجر جهاد أحمد، من خلال مقطع فيديو نشره على حسابه عبر “الفيسبوك”.

وأضاف: “اتفاجأت بمراته منزلة بوست بتقول فيه: “صاصا مين اللي ريح وركن، أنتم وهو جوه في السجن، وأنتم بره كان مقعدكنم في بيتكم، والله يرحم لما مكنتش لاقي مكان تبات فيه، واستضافك عنده”، ده كان بداية الغلط”.

وأوضح مسلم: “أختي كانت لايف، وحد بيسألها لو هنقارن بين صاصا ومسلم و، غصب عنها اختارتني لأني أخوها، ليه تشتموني وتقولي الله يرحم، هل من الأصول لو عاملة واجب مع حد أقول، يا أستاذة جهاد مش هرد عليكي، ولا اعمل دماغي بدماغك، أنا محكيتش في عصام وفي حد وصلنا ببعض، وأنا كنت ناجح وهو مكانش لسه ناجح”.

وأكمل: “مسلم كان مكسر الشارع ومكانش حد زيه، ليه بتقولي الله يرحم لما كان بيحكها في صاصا، أنا لا حكيتها ولا طلبت أبات عنده، عصام قال أنه ماسك عليا حاجات، طيب ما مصر كلها ماسكة عليك يا صاحبي، ولو معاك فيديو وأنا برقص فأنا راجل وبعرف ارقص، ولو عريت جسمي كله محدش يحاسبني لأني راجل”.

وواصل مسلم: “أنت مش زعيم عصابة، أنت فنان طريقتك في الكلام مينغش تبقى كده، أنا بكلمك باحترام وما تلفظتش لفظ، ومراتك محترمتيش الراجل اللي معاها، أنا مراتي متقدرش تتكلم، لأنها بتحترمني، ليه تغلطوا فيا وفي مراتي، هو علشان أنا موقوف من النقابة، دي حاجة بتاعة ربنا وان شاء الله هرجع”.

واختتم مسلم: “صاصا شايلي من وقت ما كنت في برنامج، والمذيعة بتسألني عليه وعلى أكتر من مطرب زي حودة بندق وعمر كمال، وقلت لها أنا مش شايف في الحتة دي، هو أنا قلت عصام جربوع”.