“معملتش حاجة غلط”.. مي فاروق على منتقدي زواجها

خرجت المطربة مي فاروق، عن صمتها لترد على منتقدي زواجها، بعد أيام من حفل زفافها على الفنان محمد العمروسي، مؤكدة على أنها لم تخطأ.

وقالت مي في مكالمة هاتفية مع الإعلامي عمرو أديب: “قررت تتجوز زي اي انسانة اي المشكلة إنها تتجوز على سنة الله ورسولة قدام الناس كلها اي المشكلة مش عارف”.

وواصلت “فاروق”: “أنا اتجوزت بس معملتش حاجة يا جماعة، وكل الفنانين كانوا مبسوطين والناس كانت فرحانة ليا، وعمري ما كان عندي أعداء في الحياة الحمد لله وعلاقتي بالناس طيبة”.

وأضافت مي: “ليه مقولش إني بتجوز قدام الدنيا كلها طول الوقت بعمل حاجتي مظبوطة، قعدت 6 سنين أم مسؤولة عن ولادي لوحدي كنت عايزة اتبسط وولادي يفرحوا معايا”.

واكملت مي فاروق: “ايه المشكلة إني أعلن، الناس بدأت تحلل نظرة ابني بيا وبنتي لو بنتي مضايقة مكنتش جت، أنا مش بحب حد يعرف حاجة عن حياتي الشخصية”.