حرصت الممثلة منة عرفة، على تقديم اعتذار إلى الفنانة إلهام شاهين، من خلال حسابها عبر “الإنستجرام”، وذلك بعدما نشبت أزمة بينهما، نتيجة اختلاف الآراء حول المشاهد الساخنة مؤخرًا.
وشاركت “عرفة” جمهورها عدد من اللقطات المصورة لـ إلهام شاهين، وعلقت عليها قائلة: “استاذتنا ونجمتنا الكبيرة وقدوتنا اللي دايماً بنفتخر بيها، دايماً بكون مبسوطة وفرحانة بحضرتك لما بشوفك في أي احتفالية أو مهرجان أو تكريم، لأنك بجد تستاهلي كل التقدير والاحترام والمحبة”.
وأضافت منة: “أنا عايزة استغل الأيام الجميلة المفترجة اللي احنا فيها دلوقتي، وأقولك كل سنة وحضرتك طيبة جميلة وقلبك طيب وجميل وأبيض زي ما اتعودنا عليه، وناجحة وبخير دايماً يارب، واعتذرلك وأقولك أنا أسفة عن أي حاجة صدرت مني تجاه حضرتك في يوم من الأيام”.
وتابعت منة عرفة: “أنا مكنتش اقصدها، أنا بحبك وبحترمك جداً وبقدرك، وبقدر فنك وإبداعك اللي كلنا كبرنا عليه، واتعلمنا منه كتير وأخر حاجة بتنمنالك كل النجاح والتوفيق وكل الخير الي في الدنيا، لأنك تستاهلي كل حاجة حلوه زيك”.
تفاصيل أزمة إلهام شاهين ومنة عرفة
تصدرت الأزمة بين إلهام شاهين ومنة عرفة، المشهد عبر منصات التواصل الاجتماعي في الفترة الماضية، وذلك بعدما كشفت الأخيرة عن رفضها للأحضان والقبلات في الأعمال الدرامية والسينمائية.
وردت “شاهين” في تصريحات تلفزيونية، عليها قائلة: “يعني إيه فنانة يكون مغمى عليها ومرمية في الأرض، والمفروض الدكتور يشيلها وهي مش عايزة تتشال، نعملك إيه متشتغليش، رأيها تحتفظ بيه لنفسها، أنا كنت ممكن أتقبل ده لو بتتكلم على الفنانين، لكن توجهلي أمر متشتغليش“.
جوجل نيوز
تطبيق نبض
واتس اب
