مها متبولي: “محمد رمضان ملوش بصمة في السينما ومنجحش”

تحدثت الناقدة الفنية مها متبولي، عن رأيها في الفنان محمد رمضان، وأعماله التي يقدمها، وبرنامجه الحالي “مدفع رمضان” الذي يعرض حاليا خلال شهر رمضان 2025.

وقالت مها متبولي خلال لقائها ببرنامج “أوضة ضلمة”: “أكيد البرنامج فكرته حلوة لأنه بيجمع تبرعات، محمد رمضان شغال سوشيال ميديا كويس، ملوش فيلم بصم فيه لو بصيت على السينما”.

واكملت مها: “لو بصيتي في المسلسلات هتلاقيه منجحش برا مسلسلات محمد سامي، يبقى معنى كده أن محمد سامي اللي نجح، وكان عامل مسلسل مع محمد ياسين ما يعلم به الا ربنا”.

وتابعت “متبولي”: “هو موهوب جدًا، وفعلًا بيستفز زمايله وبيتضايقوا منه، أنا ضد اللي هو بيعمله، هو قال عبد الحليم حافظ قال دخل الناس لحد غرفة النوم، طب حليم كان بيثبت انه متألم وتعبان”.

واستكملت مها: “دلوقت كله بيقلده أنغام وأحمد سعد، بيقلدوه في الطيارات الخاصة، هو مش نمبر وأن طبعًا، لأن في عمرو دياب في الغناء بقالهم 40 سنة”.

واردفت مها متبولي: “محدش هينجح نجاح محمد رمضان، لما شفت برومو سيد الناس لقيت عمرو سعد بيقلد محمد رمضان والحركات، عشان كده بقوله يا عمرو لازم تدرس الشخصية، وتعملها في معرفش التشابه ده ليه منه ولا المخرج”.