“ناس مريضة”.. هاجر الشرنوبي ترد على منتقدي ظهورها وهي تُقبل نجلها

اشعلت الفنانة هاجر الشرنوبي، مواقع التواصل الاجتماعي خلال الساعات الأخيرة، عقب ظهورها وفي تُقبل ابنها في عيد ميلاده، مما اثار غصب عدد كبير من الجمهور.

وظهرت هاجر الشرنوبي في بث مباشر، نشرته عبر حسابها الخاص بموقع “إنستجرام”، للرد على الجدل الذي أثير عقب احتفالها بعيد ميلاد ابنها، وظهرت بالصور وهي تُقبله.

وقال هاجر: “مساء الخير يا جماعة، عايزة أتكلم عن حاجة مضايقاني جدًا، صحيت الصبح على كمية تعليقات مش طبيعية من ناس واضح إنهم مش طبيعيين، أنا منزلة صورة لابني وأنا ببوسه بمناسبة عيد ميلاده”.

وتابعت: “وفجأة لقيت تعليقات زي: “إيه لازمتها البوسة؟” و”تربية مش عارف إيه”، إيه المرض ده؟! بجد مش لاقية تفسير للي بيتكتب غير في قلوبهم مرض فزادهم الله مرضًا، يعني إيه المشكلة في صورة عيد ميلاده وأنا ببوسه؟ بجد مش فاهمة! الموضوع غريب جدًا، وأنا مش عارفة فين المشكلة”.

وأضافت”الشرنوبي”: “أنا مستحملة وعادة بكبر دماغي، لكن لما الموضوع يوصل لكده، آسفة، لازم أقول “STOP”، الحمد لله فيه ناس بتفهم، وبيدخلوا يردوا على التعليقات دي، أنا لحد دلوقتي ما رديتش، لكن بجد الموضوع صدمتي”.

واكملت هاجر: “مش قادرة أستوعب إن فيه ناس دماغها بالشكل ده، اللي بيحصل ده مش طبيعي، وبصراحة الموضوع استفزني جدًا، معنديش كلام تاني أقوله غير إن الناس دي لازم تتعالج، أنا متوترة لأني لأول مرة أعمل لايف، بس كان لازم أرد علشان الموضوع مش طبيعي وصدمتني ردود الأفعال”.