كشفت الفنانة هبة السيسي، سبب ظهورها للجمهور حليقة الرأس بعد إصابتها بـ أورام خبيثة، وعدم استعانتها بـ شعر مستعار “باروكة”، موضحة أنها قررت مواجهة الجمهور احتياجًا للدعم منهم.
هبة السيسي تبكي: شعري وقع بعد أول جلسة كيماوي وظهرت حليقة الرأس طلبًا للدعم
وبكت هبة السيسي، خلال رويها تفاصيل تساقط شعرها نتيجة خضوعها للعلاج الكيماوي، قائلة: كنت بقول إن مش هيحصلي تغيّر في شكلي ولا شعري هيقع، بعد أسبوع من أول جلسة كيماوي لقيت شعري كله بيقع في البانيو.
واضافت: جالي انهيار عصبي ومكنتش عايزة أخرج من البيت، وقررت إني هحلق شعري خالص علشان متعبش نفسيًا أكتر من كده، وخطوة إني شيلت شعري دي كانت اللحظة الفارقة إني بصيت لنفسي في المراية وتقبلت الوضع وقلت أني هواجه.
وأشارت: بقيت أفكر هظهر إزاي والناس هتشوفني من غير شعر، ومحبتش شكلي بالباروكة وقلت إني مش محتاجة أتجمل علشان الآخرين، وقررت إني هظهر للناس بشكلي زي ما هو، وده اللي خلاني تقبلت اللي أنا فيه.
واستكملت: العلاج أثر على شكلي فكان لازم أواجه الناس بأني مريضة، ناس قالت أني بظهر بالشكل ده علشان الناس تتعاطف معايا ولكن ده مش صح، أنا ده الوضع اللي أنا فيه، ومحتاجة الناس تطبطب عليا
جوجل نيوز
تطبيق نبض
واتس اب
