هنا الزاهد عن أحمد فهمي: مطلعش حب صحي 

حلت الممثلة هنا الزاهد، ضيفة على برنامج Abtalks، الذي يقدمه الإعلامي أنس بوخش، وتحدثت خلاله عن تجربتها مع الطلاق، وإمكانية دخولها في علاقة عاطفية جديدة.

وقالت هنا الزاهد: “من سنة أو سنة ونص مكنتش كويسة، بس دلوقتي مبسوطة بنفسي وبشغلي، وبأهلي اللي ساعدوني اتخطى، ده احسن فترات حياتي في الشغل ومع نفسي وكل شيء”.

وأكدت “الزاهد”: “كنت فاكرة الحب صحي بس مطلعش صحي أوي، ومكنش الحب اللي أنا عايزاه ووقت الانفصال، كنت فاكرة أن الحياة وقفت، مكنتش مستوعبة أن الحاجة دي تحصلي، بس عادي حصلتلي وتمام”.

وأضافت هنا الزاهد: اللي يحب بجد مستحيل يزهق ومينفعش يكون فيه أنانية وفهم والخيانة لو زهقان منها تقولها وفي ناس بتحب الراجل اللي بيغير عليها”.

وقالت هنا الزاهد: “اكتشفت أن قلبي لازم أحافظ عليه، وهيبقى صعب حد يدخل حياتي، هو اتكسر أوي ورممته لوحدي وأهلي ساعدوني بس بردو وأنا نايمة لوحدي”.

واردفت هنا: “أنا قلبي اتكسر جامد ومفيش حد هيدخل حياتي، إلا أما أعرف أنه صح أوي، صعب إن حد يدخل حياتي والفترة دي مركزة أوي، في هنا وانا متجوزة كان الطرف التاني ده التوب بعد ربنا”.