كشفت الفنانة هند عبد الحليم، عن تعرضها لوعكة صحية خلال الفترة الماضية، وعلى إثرها تم نقلها إلى إحدى المستشفيات الكبرى في القاهرة.
ونشرت هند مقطع فيديو عبر حسابها الرسمي على موقع تبادل الصور والفيديوهات الشهير “إنستجرام“، وجهت فيه الشكر لكل من سأل عنها، كما وجهت نصائح للجمهور.
وقالت “عبد الحليم”: “أول حاجة عايزة أشكر كل الناس اللي كانت بتسأل عليا، سواء بعتتلي أو كلمتني أو كانت بتحاول تكلمني وتوصلي”.
وأكدت هند عبد الحليم: “وبعتذر جدًا لو مكنتش قادرة إني أرد بسبب التعب اللي كنت فيه، وشكرًا لكل حد دعالي ولكل حد زارني شكرًا جدًا جدًا أنا الحمد لله دلوقتي أحسن وبتحسن”.
وتابعت هند: “تاني حاجة عايزة أقولها يمكن أقدر أفيد أي حد، اللي حصلي ده بسبب حقن التخسيس مطولتش فيها خالص أخدت شهر وأسبوع تقريبًا تعبت جدًا ودخلت المستشفى وحصلي شلل مؤقت في المعدة، أدى إلى إني مكنتش عارفة أكل ولا أشرب وألم رهيب وكنت قاعدة على المحاليل”.
وأضافت هند: “نصيحتي لو أي حد عايز يعمل كده لازم تتابعوا مع دكاترة، وتعملوا التحاليل اللازمة عشان تشوفوا لو جسمكم هيسحتمل ويبقى قابل لده أو لأ، بس كده”.
جوجل نيوز
تطبيق نبض
واتس اب
