يارا السكري: العوضي إيده تقيلة كان هيخلعلى كتفي

تحدثت الفنانة يارا السكري، عن كواليس ترشيحها لدور “آسيا” في مسلسل “فهد البطل”، وذلك خلال لقائها مع الإعلامية إسعاد يونس، في برنامج “صاحبة السعادة”.

وقالت يارا: “أنا من الإسكندرية، اتولدت وكبرت في السعودية، ورجعت عيشت في مصر بعد كده، وما يتم تداوله إني من بورسعيد فهو خطأ”.

وتابعت “السكري”: “بدأت المشوار في مجال الأزياء، وبعد كدة الإعلانات ودخلت التمثيل بالصدفة، وكان بيتعرض عليا وقتها، ولكن كنت قافلة سكته ومش في بالي”.

وأضافت يارا السكري: “المخرج حكالي الدور، ولما قرأته خفت وقلقت وفكرت أعتذر، وقلت مش هقدر لأن تفاصيله كتير وبتحمل وبتضرب وتسقط وكانت هتدمن”.

واكملت يارا: “وقالولي خدي وقتك، وفكري تاني وإحنا مستنيينك، وعملت كده ولما تقمصت الشخصية حبيتها أوى، حتى لما كنت بتفرج كنت بقول مين دي، ومكنتش عارفة إزاى بعيط بالحرقة”.

وأكدت يارا السكري: “العوضي إيده تقيلة شوية، كان هيخلعلى كتفي، وإحنا في مشهد اكتشاف الحمل وهو بيشدنى جامد، مع الإعادة مكنتش عارفة أحرك دراعي، وقعدت أسبوعين اتعالج علاج طبيعي”.