ياسمين رئيس عن نجلها سليم: هتلاقيني مختفية بسبب ابني

أوضحت الفنانة ياسمين رئيس، أن أولويتها هي ابنها “سليم”، الذي من الممكن أن تبتعد عن مواقع التواصل الاجتماعي والوسط الفني، بسبب دراسته.

وقالت ياسمين: “ابني بقى بيكلمني يحكيلي واحكيله وافهم منه ويشرحلي، بقى فيه بني آدم بنعرف نتطمن على بعض بالتليفون، لكن في الأول مكنش ده متحقق في حياتي لأن هو كان صغير، هو دلوقتي عنده 10 سنين”.

وتابعت “رئيس”: أنا ممكن أكون هشتغل السنتين دول دلوقتي، وممكن يكون هو في وقت مثلا هيسافر عنده دراسة، فتلاقيني مختفية بسبب ابني، وفي الآخر الإنسان بيشوف أولوياته إيه في الحياة وإيه اللي بيبسطه.

آخر أعمال ياسمين رئيس

وفي نفس السياق فيلم “الفستان الأبيض”، شارك في المسابقة الرسمية لمهرجان الجونة السينمائي في دورته السابعة، التي اختتمت فعالياتها مساء يوم الجمعة الماضي، والذي من المقرر عرضه يوم 20 نوفمبر.

تدور أحداث فيلم “الفستان الأبيض” في إطار من الدراما حول وردة، وهي فتاة من حي فقير توشك على الزواج، لكن يتلف فستان زفافها في نفس يوم الحفل، فتخوض رحلة في القاهرة مع بنت خالتها للبحث عن فستان آخر.