ياسمين عز تقلب على الفرعون في عيد الحب: “لبسها دهب أما الورد جيبه لمامتك”

حرصت الإعلامية ياسمين عز، على تقديم العديد من النصائح للزوج في عيد الحب، وذلك خلال برنامجها “كلام الناس”، المذاع عبر فضائية mbc.

وقالت ياسمين عز: “متلبسهاش الأحمر غيروا ليها لبسها أخضر رمز الدولار أو الأصفر رمز الذهب نور إيديها الشقيـانة أما الورد تجيبه لمامتك”.

وأضافت مي: “فيه قائمة أسعار لعيد الحب، عايز تسهر مع مراتك وتسيب عيالك مع حماتك تدفع 500 جنيه، عايز تخرج مع صحابك تدفع 700 جنيه، لو عايز تخرج مع حد ونداري عليه ادفع 100 جنيه، عايز تبات برا أمضي شيك على بياض”.

وأوضحت ياسمين أهمية حب الذات والاهتمام بالنفس، قائلة: “حبي نفسك يا شيماء، لأنك هتفهمي نفسك أكتر من جوزك، لأن إنتي اللي عايشة مع نفسك ومحدش هيفهمك زي نفسك”.

أشارت ياسمين عز إلى أن الزواج لمجرد البحث عن الحب والحنان قد لا يكون السبب المناسب لدخول هذه المؤسسة، قائلة: “لو هتتجوزي علشان الحب والحضن والحنان والفنان إبقي تعالي قابليني، أنا بنصحك علشان تفوقي من الحلبة اللي بتشربيها”.