حرص الممثل الشاب ياسين السقا، ابن الفنان أحمد السقا، الرد على منتقدين دوره في مسلسل “سيد الناس”، مؤكدًا أن البعض لا يحبه فيقومون بشتمه والدعاء عليه بالموت.
وكتب ياسين منشور عبر حسابه الرسمي بموقع “إنستجرام”، قائلًا:؛ “عيد سعيد ويارب تكون خير عليكم وعلى كل حبايبكم وعلينا كلنا، انا كنت عايز انزل البوست ده بقالي فترة، في ناس زعلانة من منشور نزلته من كام يوم واتهاجمت عليه، وللاسف في ناس زعلت مني واللي في بالي دول بعتذرلهم”.
ياسين السقا: “الأغلبية فاكرين نفسهم نقاد وبيجيبوا سيرة والدي ووالدتي”
وأكد “السقا”: “لأن في ناس بتنتقد باحترام، حتى لو الدور مكنش كبير، ومش مفهوم أوي من الجمهور، انا متقبل ده تمامًا وداخل المسلسل وعارف ده، والحمدلله اللي فهموا الدور واللهجة والكلام المكسر ده، عشان طارق عايش طول عمره في لندن”.
وتابع ياسين السقا: “الأغلبية من الناس اللي هما فاكرين نفسهم نقاد، وبيستخدموا الشتائم وبيتممروا وبيجيبوا سيرة والدي ووالدتي، بمجرد بس أن والدي أحمد السقا، وفي ناس مش بتحبه فلازم يشتموني ويجيبوا سيرة الام والاب، لدرجة أنهم يدعوا عليا بالموت، واحب اقول للحاقدين ربنا يهديكم وأنا هنجح، وهتشوفوا أن اللي خلف مامتش”.
جوجل نيوز
تطبيق نبض
واتس اب
