أحمد السقا يكشف كواليس فيلم “السرب”.. تعرف عليها 

كشف الفنان أحمد السقا عن كواليس فيلم “السرب” والصعوبات التي واجهته خلال التصوير، أثناء حواره مع الإعلامي معتز الدمرداش على قناة “الشرق للأخبار”.

وقال أحمد السقا: “السرب ده من أكتر الأعمال اللي بذلت فيها مجهود، أنا كنت بسافر كل يوم السويس في الفرقة الرابعة، 30 كيلو جوا الجبل بصور وأرجع لمدة أربع أسابيع”.

وتابع “السقا” وبعدين بقيت أرجع من السويس على مرسى مطروح، ومن مرسى مطروح نروح الميناء رأس غارب ناخد فرقاطة بحرية وننقل المعدات، عشان نصور على مدينة البترول”.

وأضاف أحمد: “مشهد معركة تحرير السبايا شوفت فيه الموت 3 أو 4 مرات، وأهم حاجة في الموضوع ده الثبات الانفعالي، وسرعة رد الفعل ودي من عند ربنا”.

وقال “السقا”: “فيه مشهد المفروض الجيش الليبي بيساعدني اقتحم مواقع داعش، فبمشي ورا دبابة واخدها ساتر لي لحد ما أوصل للباب”.

وأكد أحمد السقا: “أنا كنت لابس بيادة ورباط البيادة اتفك، وأنا ماشي لقيت نفسي بتسحب والرباط دخل تحت المجنزرة، خلعت الجزمة ورميت نفسي بعيد كنت هبقى بلوبيف”.

تفاصيل فيلم السرب

ويعد فيلم “السرب” من بطولة كلًا من أحمد السقا، شريف منير، آسر ياسين، نيللي كريم، أحمد حاتم، دياب، صبا مبارك، كريم فهمي، محمد ممدوح، محمد فراج، أحمد صلاح حسني، وتأليف عمر عبد الحليم، إخراج أحمد نادر.

ويسرد الفيلم أحداثًا حقيقية لأبطال القوات المسلحة المصرية، حيث يقوم أبطال العمل بتنفيذ عملية عسكرية في درنة في ليبيا، والعودة مرة أخرى بعد تنفيذ المهمة على أكمل وجه.