كشفت الإعلامية مروة صبري عن تصريحاتها اتجاه المذيعة الدينية آلاء عبدالعزيز، وقالت خلال برنامجها بأنها حاولت التواصل معها ومع الدكتور النفسي الذي يدرس حالتها، ولكنها رفضت التواجد في البرنامج الإ بمقابل مادي.
وقال في برنامج “قعدة ستات”: “أنا النهاردة هحكي لكم عن مصيبة وكارثة وحاجة لا تصدق، من يومين تلاتة طلع علينا ظاهرة جديدة، واحدة كانت بتشتغل مذيعة اسمها آلاء عبد العزيز، حاولت التواصل معها وكلمنا أحد الدكاترة النفسيين يطلع معانا على الهوا وهي موجودة علشان يساعدها على العلاج، وأول سؤال سألته إنتو بتدفعوا فلوس. وقبل الهوا بساعة أو ساعتين قالت معلش مش هطلع في البرنامج إلا لو دفعتي 10 آلاف جنيه”.
وتابعت : “كل الدكاترة النفسيين بيقولوا إن اللي عنده فصام الشخصية ما يعرفش إنه مريض بالفصام، أنا عايزة أساعدك وإنت بتساوميني على فلوس؟ إذاً إنت مش مريضة، واعترفتي بنفسك وقلت أنا بعمل تريند ونجحت فيه واتشهرت، ومش هطلع في أي قناة إلا لو أخدت فلوس، نعم نجحتي تعملي تريند، برافو، بس تريند رخيص وفاشل وأهبل”.
الجدير بالذكر، أن المذيعة آلاء عبدالعزيز هي مقدمة برامج دينية، وظهرت عبر بث مباشر على “فيسبوك”، في حالة انهيار بسبب مرض أصابها، وقالت باكية: “إنتوا عارفين أنا مين وعارفين بوست مرضي، أنا آلاء عبد العزيز المذيعة الدينية الداعية الإسلامية.. أنا نمت صحيت لقيت نفسي قلعت الطرحة وبنزل بليل وبقيت واحدة تانية.. أنا مش فاكرة إني عندي بنت وبصحى الصبح مش فاكرة بنتي”.
جوجل نيوز
تطبيق نبض
واتس اب
