مي عمر تُعلق على اعتزال زوجها محمد سامي الإخراج

حلت الممثلة مي عمر ضيفة في برنامج “الحكاية” مع عمرو أديب عبر قناة mbc مصر، وأوضحت أسباب اعتزال زوجها المخرج محمد سامي الإخراج التلفزيوني.

وقالت مي:” محمد واخد القرار من قبل رمضان، هي الناس مش فاهمة هو عمل مسلسلات كتير والمسلسلات مرهقة جدًا وكلها ناجحة، لما بعمل مسلسل بخلصه ببقى تعبانة”.

وأضافت “عمر”: “ومش قادرة اشتغل أو اقرأ سيناريوهات، هو السنة دي عمل مسلسلين وكان كتير جدًا عليه، هو واخد القرار من قبل رمضان، وقال أنا محتاج أريح وأخد إجازة وأرجع تاني”.

وتابعت مي عمر: “الموضوع ملوش علاقة باللي حصل المسلسلين مكسرين الدنيا، ومخلصين رمضان الأول والتاني على شاهد، أنا ساعات كتير كنت بقوله متشتغلش رمضان اللي جاي وريح”.

وأكدت مي: “المسلسل مش تصوير بس، هو بيقعد يكتب ويحضر ويقعد مع الممثلين ويتابع ديكور وموسيقى ومونتاج، إحنا كممثلين الشغل بالنسبة لينا 3 أو 4 شهور هو بالنسبة ليه الشغل 9 شهور أو سنة، مش بيلحق يعمل حاجة”.

واختتمت مي عمر حديثها، قائلة: “محمد سامي عنده خطوة مهمة شغال عليها، ويعمل الحاجات اللي نفسه فيها ويرجع تاني، هي خطوة فنية”.