"التجميل الزيادة خطر".. مروة صبري تهاجم دنيا بطمة

حرصت الإعلامية مروة صبري، التعليق على الإطلالة الأخيرة للفنانة المغربية دنيا بطمة، التي أثارت جدلًا واسعًا، التغيّرات اللافتة في شكلها.

وقالت مروة خلال حلقة جديدة من برنامجها “قعدة ستات”: “أنا بحترم دنيا بطمة جدًا، بحترم صوتها وجرأتها وصراحتها، لأنها من القلائل اللي بيطلعوا يتكلموا بصراحة عن عمليات التجميل”.

وتابعت”صبري “: “في وقت معظم الفنانين بينكروا ده، وبيقولوا إن السبب في جمالهم شرب الميه والرياضة، وأكل التفاح الأخضر، هي كانت حلوة وبقت أحلى، لكن التجميل الزيادة خطر”.

واردفت مروة صبري: “الفيديو اللي ظهرت فيه من لندن، كان فيه تغيير كبير جدًا، مش بس في وجهها، كمان في جسمها، مفيش مشكلة إن الإنسان يحاول يحسن من شكله”.

وأكدت مروة: “ولكن لما يوصل الموضوع لتشويه الشكل، هنا بيبقى في مبالغة، وده مش لصالحها، خصوصًا إنها فنانة محبوبة وجمهورها كبير”.