حرصت الفنانة ليلى علوي على إحياء يوم اليتيم، من خلال رسالة إنسانية دعت فيها إلى دعم الأطفال الذين فقدوا الأمان والرعاية.
ليلى علوي توجه رسالة إنسانية لدعم الأطفال وتؤكد: «الدنيا لسه فيها رحمة»
وكتبت ليلى علوي عبر حسابها الرسمي على موقع فيس بوك: في يوم اليتيم، مش بس بنفتكر الأطفال اللي فقدوا أب أو أم.
وأشارت: إلى لكن كمان بنفتكر كل طفل فقد الأمان ونام على خوف، كل طفل اتسرق منه حقه في الطفولة، في الضحكة، في اللعب، في حضن دافي، وفي حياة بسيطة وآمنة زي باقي الأطفال.
وتابعت ليلى : يوم زي ده، قلوبنا لازم تكون مع كل طفل وحيد، مع كل طفل بيتمنى حضن، مع كل طفل مستني كلمة حلوة، ومع كل طفل الحرب أخدت من عينيه البراءة قبل أوانها.
واختتمت حديثها قائلًا: وخلّونا نفتكر إن أحنّ حاجة ممكن نقدمها لأي طفل مش بس المساعدة، لكن الإحساس إنه مش لوحده، إن الدنيا لسه فيها رحمة، ولسه فيها قلوب قادرة تطبطب، وتسمع، وتحس، وتحتوي، يا رب احفظ أطفال العالم واكتب لهم السلام، والرحمة، والعوض الجميل
جوجل نيوز
تطبيق نبض
واتس اب
