أعلنت الفنانة الشابة لينا صوفيا عن تفاصيل نجاتها من حادث سير حدث أمس، حيث اصطدمت مع تروسيكل كان يسوقه عدد من الأشخاص ومنهم صغار، مؤكدةً استيائها الكبير بسبب خطورة الموقف، شاكرةً كل من تعاون معها أثناء الحادث.
انهيار الفنانة لينا صوفيا في فيديو لها، ما السبب؟
انهارت لينا صوفيا أثناء روايتها لتفاصيل الحادث من خلال مقطع فيديو عبر حسابها على إنستجرام، قائلةً: “تروسيكل خبطني وكان عليه ناس كتير أوي ومنهم أطفال، أنا عارفة أنهم مش عارفين خطورة اللي بيعملوه، يا رب يكونوا اتعلموا من التجربة دي، بجد لو كان واحد فيهم حصله حاجة حتى لو بالغلط أنا بجد عمري ما كنت هسامح نفسي”.
وأكملت لينا صوفيا: “الموضوع كان مرعب وأنا كنت مرعوبة وكان معايا مامتي، والحمد لله كل الناس وقفت معايا ومكنتش متخيلة أن اللي هيحصل أحسن من كده، كنت خايفة أبقى أنا اللي غلطانة ولكن ناس كتير وقفت معايا وقالوا لأ إحنا كنا واقفين وأنتي مش غلطانة”.
وتابعت لينا: “الحمد لله وربنا بيفكرنا كل يوم أن ممكن أي حاجة تحصل في أي وقت فلازم نحمد ربنا على كل حاجة، وربنا ما يحكمش على حد بأي حاجة ولا يحط حد في اختبارات صعبة”.
جوجل نيوز
تطبيق نبض
واتس اب