فتاة من مدينة نصر تستغيث بسبب التحرش بها، التفاصيل الكاملة 

قامت فتاة بتحرير محضر وجهت به اتهامًا إلى عدد من الشباب بالتحرش بها ومضايقتها وتوجيه ألفاظ خادشة للحياء، وهذا كان بالقرب من مطعم شهير في مدينة نصر.

فتاة من مدينة نصر تستغيث بسبب التحرش بها، التفاصيل الكاملة

ونشرت الفتاة عبر مواقع التواصل الاجتماعي: “تم التحرش بي بتاريخ 19 يوليو الساعة 11 بالليل وأنا راجعة من شغلي كنت واقفة قدام مطعم شهير بمدينة نصر”.

وتابعت الفتاة: “مجموعة شباب راكبين عربية قالولي كلام خادش حاولت أتجاهل لأنهم قالوه وهم ماشيين بالعربية، يعني مش مسببنلي خطر مباشر”.

وأكملت الفتاة: “فجأة لقيت اللي سايق العربية بيركن ونازلي، أنا ساعتها مجاش في بالي أصور لأن أصحابه عدد وأنا لوحدي فمكنتش أضمن رد فعلهم لو استفزتهم، وأول ما نزل طلبت منه يمشي وعلى العكس تمامًا فضل يقول كلام خادش للحياء ويقرب جدا من جسمي عشان يحاول يلمسني مع نظرات وإيحاءات صريحة، وقالي اركبي معانا”.

وأضافت الفتاة: “أنا ساعتها رجعت خطوتين لورا وزعقت فيه لحد ما الناس اتلمت فخاف ورجع جنب العربية بعدين مشي بالعربية هو وأصحابه”.

واستكملت الفتاة: “أنا لجأت للقانون وقبل ما أروح أعمل محضر كنت اتأكدت إن المكان اللي كنت واقفة قصاده كاميراته لقطت الواقعة كاملة، وده طمني وخلاني أروح أعمل محضر برقم 13905 إداري مدينة نصر”.