رد الفنان محمد عطية عبر صفحته الرسمية على موقع التواصل الاجتماعي “ فيسبوك ”، على ردود الافعال التي وصلته بشأن اغنيته الجديدة “البطيخ”، خاصة بعد الانتقادات التي تعرض لها من جانب البعض.
وقال محمد عطية في منشوره، قائلًا: “صباح الخير.. ردود الأفعال الفلسط**ينية و اهالي غزة تحديدًا على الاغنية مخلياني مبسوط و راضي تماما عشان لو أسهمت بثانية واحدة تبسط اي فرد من الناس دي أنا كده فل جدًا”.
وتابع محمد عطية: “مبسوط جدا انهم اكتر ناس بيدافعوا عني قدام النقد .. وطبيعي يا جماعة ان في ناس تشوف العمل وحش و ناس تشوفني زفت و ناس تحب و ناس تاني تتريق و ناس تشتم و ناس تشكر”.
وتابع “عطية”: “ده جزء لا يتجزء من شغلناتنا وأنا أصلا ماعنديش مشكلة خالص في كل ده حتى في التطاول لأن أنا عارف ان ده بيحصل و هيحصل معايا و مع غيري ومش لازم نخون اللي بيشتمني او نعايره.. ده عمل فني فحقه يقول اللي هو عاوزه”.
وأضاف محمد: “اللغز المحير بالنسبالي ان اصحاب القضية نفسهم شايفين العمل عظيم ومبسوطين و الجيل الصغير ( اللي أنا موجهله الاغنية) برضه مبسوط واللي ينتقدوا ولاد بلدي اللي من جيلي”.
واستكمل محمد عطية: “عامة أنا كل اللي بتمناه ان الناس تفضل تتكلم عن القضية و ناس تانية تعمل أعمال و يوفق منها ما يوفق و لا يوفق من لا يوفق المهم ما ننساش القضية، ونفضل نحسس الناس هناك انهم في بالنا و انهم مش لوحدهم لان حقيقي ده بيفرق معاهم جدًا”.
جوجل نيوز
تطبيق نبض
واتس اب
