ميرولا ماجد.. تعرف على حكاية أول كابتن طيار من أسيوط

تداول رواد التواصل الإجتماعي صور أول كابتن طيار ميرولا ماجد من أسيوط وهو شئ غير متعارف عليه، حيث تتوالى مفاجآت الصعيد وتبهرنا المرأة الصعيدية بتخلصها من قيود العادات والتقاليد، ويأتي من بينهم ميرولا التي تعد فخر لمصر.

حيث حلت ميرولا ماجد أول كابتن طيار التي حصلت على رخص الطيران المعتمدة كضيفة في برنامج “مصر تستطيع” الذي يقدمه الإعلامي أحمد فايق، كما أنها حققت ذلك بجانب دراستها لكلية الإعلام.

سأل الإعلامي أحمد فايق ميرولا عن عدد ساعات الطيران العملي لتجيب ميرولا قائلةً: “بيدونا 190 ساعة طيران، 36 لوحدي والباقي مع الكابتن”.

كشفت ميرولا عن سبب دراستها في كلية الإعلام بجانب الطيران، حيث قالت: “أنا كل أهلي أغلبهم دكاترة ومهندسين، فلما قولت طيران بابا قاللي تمام مفيش مشكلة هنفذلك حلمك بس طمنيني وادخلي كلية، أنا مش عايزك تدخلي طب”.

تابعت كابتن الطيار: “نسقنا واتفقنا خلاص على إعلام، وقدمت ورقي فيها ومجموعي كان جايبها، وكانت عجباني”.

أجابت ميرولا عن أي مجال ستعمل به، موضحةً أن الهدف الأول لها هو الطيران، ولكن دراسة الإعلام هي بمثابة شهادة أخرى لتطمئن والدها فقط.

أكملت ميرولا عن سبب اختيارها لمجال الطيران قائلةً: “من طفولتي من أول مرة ليا لما دخلت المطار وأنا حبيت المنظر عامةً، وإن أنا عايزة أبقى حاجة في المكان دا أي هيه أنا مش عارفاها، ومامتي كانت بتشجعني نسأل وندور، لغاية ماعرفت إن أنا كبنت ممكن ابقا الكابتن”.

أرفت كابتن الطيار: “ودا مكانش متعارف عليه أوي خصوصًا إن أنا في عيلتي ولا في بلدي أصلًا كان فيه حد عمل الموضوع دا قبل كدا، فااحنا اللي بدأنا ندور ونسأل، لغاية ما عرفت إن ينفع أبقى الكابتن نفسه، طبعًا مااترددتش لحظة”.

تحدثت ميرولا عن أول مره تقود بها طائرة، قائلةً: “أول مرة فعلًا بيبقى فيها رهبة وأنا فاكرة الكابتن بتاعي أول مره قاللي استمتعي بأول طالعة ليكي، وهداني جدًا هيه بمجرد بس ما عملنا الإقلاع، وبعد كدا هديت وأدركت إن الموضوع سهل وبسيط وهنكمله”.

تابعت ميرولا: “وكذلك أول طالعة ليا لوحدي برضو حسيت إن الموضوع كبير بس بعد كدا بتتعود إن الموضوع طبيعي وبتأخد عليه ومرة في التانية وبيبقى الموضوع سهل”.

أكملت كابتن الطيار عن مثلها الأعلى في عالم الطيران موضحةً أن كابتن حسناء تيمور هي مثلها الأعلى حيث قالت: “هيه اللي خلتني أخد الخطوة، شوفتلها لقاء واتنين وتلاتة عجبتني جدًا بصراحة وطريقة كلامها وحمستني، فعلطول عملت سيرش على المدرسة بتاعتها”.

كما أوضحت ميرولا ماجد طريقة الدراسة في الطيران، قائلةً: “بيبقى معانا جدول بينزل كل أسبوع للدفعة، أنا دفعتي كانت 60 طالب، بنعدي الكشف الطبي، بيحددولك ميعاد امتحان انجلش، وبعد كدا امتحان الكمبيوتر، وبعد كدا الانترڤيو مع العميد ووكيل الكلية”.

أردفت ميرولا: “دايمًا يقولك رأس مال الطيار صحته، بعد كدا بيتعملنا كشف طبي كل سنة، مع كل تجديد رخصة فاأنت لازم تكون محافظ جدًا على صحتك”.

تابعت كابتن الطيار عن توفيها لدراسة المجالين: “فيه أيام كنت ببقى في إعلام ببقى لابسة البدلة وعليها الجاكت علشان ابقى مخبياها وأخلص يبقى عندي امتحان ولا حاجة أخلص أقلع الجاكت وعلطول اتحرك على طيران، فيه أيام كنت ابقى في الاتنين مع بعض، وفيه أيام أحاول أواظب بين الأتنين”.

أكملت ميرولا: “إعلام كانت كلية ممكن تفهمها بسهولة وتلحق تلمها فكان دا بيساعدني، إن أنا مااختارتش كلية هتبقى صعبة عليا”.

كما أعربت ميرولا مجدي عن حزنها لما تعرضت له من انتقادات بعد نشرها للفيديو الخاص بها حيث أتت التعليقات كالتالي: “لما تركب الطيارة ابقوا قولولي علشان أنزل”، موضحةً أن المعظم يعتقد أن الخوادث تأتي من البنات على الرغم من أن هذا ليس له أي علاقة، وأنه من المتعارف عليه بالنسبة لمجتمعنا أن البنت كيوت ولا يجوز أن تفعل مثل هذه الأشياء.

وفي نهاية اللقاء وجهت ميرولا مجدي رسالة لوالدتها قائلةً فيها: “أنا متأكده أنها لو كانت موجودة كانت هتبقى فخورة أوي، لأن هيه كانت بتحب المجال دا أوي وكان نفسها إن أنا ابقى فيه، أنا واثقة أنها شيفاني”.