كشف الممثل الشاب مازن علوان، عن تفاصيل مشاركته في مسلسل “برغم القانون“، والذي تمكن من تحقيق نسبة مشاهدة عالية، وتصدره تريند مواقع التواصل الاجتماعي، عقب تأدية دور “ياسين“.
وتحدث مازن في تصريحات خاصة لـ موقع “الجورنال“، قائلًا: “كنت في تالتة ثانوي وكنت موقف كل حاجة، وأول ما خلصت بدأت في تصوير مسلسل برغم القانون، وكان دور جديد بالنسبالي، وكان تحدي كبير والحمدلله اشتغلت على الشخصية كويس وذاكرتها وبدأت تصوير”.
وتابع “علوان”: “أولى مشاهدي كانت مع الأستاذ محمد القس، وقعدنا وفهمني أكتر طبيعة علاقتنا عاملة أزاي في المسلسل، واتعلمت كتير منه، ومن الأستاذة فرح يوسف“.
وأضاف مازن: “وكما الأستاذ هاني عادل والأستاذ شادي عبد السلام وكمان الأستاذة إيمان العاصي، وعلى المستوى المهني والشخصي، واتسبط بالشغل معاهم”.
واستكمل مازن علوان: “والتعاون مع الأستاذ محمد القس كان جميل جدًا، وكان بيهزر معايا من أول يوم عشان يفكني، ونكون طبيعيين اكتر، وكل مشهد بيني وبينه كان بيقراه معايا قبلها، ونجهزه قبل ما نصور”.
وأكد مازن: “والحمدلله مكنش في أي صعوبات في التصوير، بس أصعب مشهد كان مشهد الخناقة، عشان عيدناه كتير عشان يطلع بشكل كويس”.
وقال “علوان”: “أول مرة شوفت أستاذ محمد القس قالي انا سامع عنك كلام كتير حلو، وقولتله أنا شوفت لحضرتك حاجات كتير حلوة، وبعد ما المسلسل بدأ ينزل كنت بخليه يشوف أراء الناس عن المسلسل وعننا، وكنا مبسوطين جدًا بتفاعل الناس”.
وأكمل مازن علوان حديثه، قائلًا:” أستاذ شادي أول مرة قابلته قالي إن اتفرج على سفاح الجيزة، ودوري كان عجبه جدًا فيه الحمدلله، وأستاذ هاني عادل كان دايمًا بيغني في الكواليس، وصوته تحفه طبعًا مش محتاج اقول”.
جوجل نيوز
تطبيق نبض
واتس اب
