نجلاء بدر: “اتعرض عليا اشتري بويضات برا مصر ورفضت لأنها حرام”

حلت الممثلة نجلاء بدر، ضيفة في برنامج “العرافة”، الذي تقديمه الإعلامية بسمة وهبة، وتحدثت عن قيامها بإجراء عمليتين حقن مجهري للإنجاب.

وقالت نجلاء: “أنا عملت عمليتين حقن مجهري وفشلوا، واتعرض عليا اشتري بويضات برا مصر ورفضت لأنها حرام، مفيش حاجة اسمها اخد بويضات من واحدة عشان اخلف”.

نجلاء بدر ضد تأجير البويضات

وأكدت “بدر”: “ده مش هيكون ابني أصلًا، ومش ولادي ولو حتى ابن جوزي يبقى في الحرام يعني، فهي كلها عملية كاملة حرام، بس هي المصيبة ان في ناس ممكن تعملها”.

وأضافت نجلاء بدر: “في واحدة عرضت عليا استئجار رحم، افتكرت المشكلة عندي في الرحم، قالتلي انا مستعدة تأجري رحمي، بحكم حبها ليا يعني، كانت هتحمل هي وتولد وتديني البيبي”.

نجلاء بدر تتكفل طفل يتيم

واردفت نجلاء: “انا بكفل طفل لكن اتبني حرام، اللي قال التبني التبني حرام، أنا لو اتبنيت ولد بعد سن البلوغ هل يحق لي شرعًا إن أنا وهو نقيم في بيت واحد، ولو اتبنيت بنت جوزي يقدر يعيش مع بنت، بعد سن البلوغ في بيت واحد”.

وشددت نجلاء بدر على أنها تكفل أحد الأطفال الأيتام، ولكنها ترفض أن يقيم معها في منزلها، مشيرة أن هذا حرام شرعًا، قائلة: “لو جبت بنت هي متقدرش تعيش في بيت في راجل مش من دمها ولا أبوها حرام، ولا الولد ينفع يعيش معايا وهو ولا من دمي ولا ابني”.