"مش ناقصين".. ريهام سعيد ترد على محمد رمضان

حرصت الإعلامية ريهام سعيد، الرد على إطلالة الفنان محمد رمضان في حفله الأخيرة بمهرجان كوتشيلا بأمريكا، موجهة رسالة للفنانين الذين يتصدرون التريند.

وقالت ريهام خلال برنامجها “صبايا الخير“، قائلة: “أنا مكسوفة إني عرضت الصورة، محمد رمضان مش محتاج التريند وإن الناس تتكلم عنه، ولكن بعض النجوم عندهم فكرة لما يطلع عني خبر سيئ فهو دعاية كويسة”.

وأكدت “سعيد”: “وده مش حقيقي في مصر، لأن الناس بتقيم الفنانين بطريقة مختلفة، ليه المنظر ده؟ الجمهور اللي موجود في الحفلة كان أغلبهم مصريين ورافعين علم مصر، وأكيد المصريين اللي عاشوا في أمريكا مش هيلبسوا كده”.

وتابعت ريهام سعيد: “عايزة أوجه رسالة من القلب للفنانين اللي ابتدوا يعملوا حاجات فيها تشبه بالنساء، حتى لو شايفين إن دي حاجة الغرب بيعملها”.

واردفت ريهام: “ياريت ماننشروش في مجتمعنا قدام شبابنا وأولادنا إحنا مش ناقصين، بلاش الحلق والشعر يتصبغ أصفر، ولو عايز تلبس حلقه إلبسه في حياتك الشخصية”.