أول تعليق من أحمد زاهر بعد حفل زفاف ابنته ليلى

حرص الفنان أحمد زاهر، على مشاركة الجمهور مقطع فيديو يظهر رقصته مع ابنته ليلى، أثناء حفل زفافها على المنتج هشام جمال.

وكتب “زاهر” في أول تعليق له بعد حفل الزفاف: “وانا داخل أرقص معاكي، شفت وشك اللي زي القمر أجمل عروسة في الدنيا كلها، بصيت في عينيكي وفجأه مر قدامي شريط ذكريات”.

وأضاف أحمد: “من أول لما جيتي الدنيا، وأنا اول واحد شيلتك بين ايديا، وشفت كل لحظة وانتي بتكبري قدام عنيا، لحد اللحظة اللي احنا بنرقص فيها مع بعض، وانتي عروسة زي القمر”.

وتابع” زاهر”: “خلاص هاتسيبيني وتمشي مع عريسك، حسيت بمشاعر كتير متناقضة ومختلفة، والدموع نزلت من عيني غصب عني، وحسيت إني عاوز أقولك لا متمشيش وتسيبيني وارجع في كلامي”.

وواصل أحمد زاهر: “أنا عارف إن دي أجمل لحظة في حياتك، إنك اخترتي اللي بتحبيه وبيحبك، اختارتي راجل صح ومحترم، بيقدرك وهيشيلك جوه عنيه زي ما وعدني، مبروك يا بنت عمري يا بنت قلبي، بحبك يا أجمل بنوتة وأجمل عروسة في الدنيا كلها بحبك يا ليلى“.