كشف التيكتوكر عماد عاطف كواليس ظهوره مع الفنانة شيرين عبد الوهاب خلال حفلها في الساحل الشمالي، معربًا عن صدمته وعدم استيعابه لما حدث، خاصة بعدما فوجئ بأن شيرين تعرفه وتتابع محتواه عبر منصة تيك توك، فيما جاء عماد مُتصدرًا تريند منصات التواصل الاجتماعي خلال الساعات الماضية.
عماد عاطف يكشف مفاجأة شيرين عبد الوهاب له في حفل الساحل: «أنا في صدمة»
وقال عماد عاطف في تصريحات صحفية: أنا في صدمة لغاية دلوقتي من اللي حصل، بحاول أدرك إيه اللي حصل لأنه كان كتير قوي.
وأضاف أنه فوجئ بأن شيرين لم تكتفِ بمعرفته، بل أكدت له أنها تتابعه عبر TikTok، قائلًا: هي مش بس إنها تشوفني، لأ، هي كمان عرفاني ومتابعاني، وبتحب تدخل TikTok علشاني أنا، وتعرفني وسط 40 ألف ويمكن أكتر كانوا حاضرين الحفلة من نجوم ومشاهير كتير جدًا، وعرفتني وسط كل الناس دي.
أوضح عماد أنه لم يستطع استيعاب ما قالته له من شدة المفاجأة، قائلًا: أنا طبعًا ما سمعتش أي حاجة من بعد حبيب قلب شوشو، أول ما قالت لي الجملة دي أنا كنت في حتة تانية مع العصافير فوق، وما حسيتش بنفسي أنا فين، بعمل إيه، بقول إيه، وما استوعبتش أي حاجة خالص، حتى وهي بتقول لي أنا متابعاك وبدخل TikTok عشانك وأنا اللي بموت فيك، كل الكلام ده أنا ما سمعتوش أساسًا.
جوجل نيوز
تطبيق نبض
واتس اب
